Login


E mane d’’a mamma

Uocchie ca' me guardate
stanche e afflitti
do' tiempo ca' è passato
e ca nun torna cchiu'

‘e mmane cunserte
ca trèmmano appena
s'allongano ancora! n'ata vota
ppe na' carezza
comme si fosse l'urdema vota

dinto all' uocchie tuoje
me veco nata vota guagliuncello
e tremmanne 'e paura
m'astregne forte forte a te

me fatto diventà n'ommo, cu tanta stiente
songhe passate tant’anne, comm'a niente
ce simme spàrtute, mo'! simme luntane
ma io te penzo sulo
si me guarde ‘e mmane

chelli mmane cunsèrte
ca trèmmano appena
s'allongano ancora! n'ata vota
comme si chella
fosse l''ultima carezza.

 

tutti i diritti riservati

di Salvatore Di Ruocco